Confederation of Nepalese Industries TALKING BUSINESS, TALKING CHANGE

नेपाल उद्योग परिसंघ (CNI) ले शुक्रवार नेपाल आर्थिक पत्रकार समाज (सेजन) सँग भेटघाट कार्यक्रम आयोजना गर्यो । सेजनका नवनिर्वाचित नेतृत्व तथा कार्यसमितिहरुलाई बधाई ज्ञापन गर्ने र समसामयिक आर्थिक तथा औद्योगिक विकासका विषयमा छलफल गर्ने उद्देश्यले आयोजित उक्त भेटघाट कार्यक्रममा परिसंघका पदाधिकारी र सदस्यहरुका साथै सेजनका पदाधिकारी र सदस्यहरुको उपस्थिति थियो ।

अर्थमन्त्री शंकर प्रसाद कोइरालाले आइतवार आर्थिक वर्ष २०७०/७१ का लागि कुल रू. ५ खर्ब १७ अर्बको बजेट प्रस्तुत गर्नुभयो । तिन वर्षपछि आर्थिक वर्षको शुरुमा नै आएको पुर्ण आकारको बजेटले नीजि क्षेत्रलाई मुलुकको अर्थतन्त्रको मेरुदण्ड र आर्थिक बृद्धिको संवाहकका रुपमा स्विकार गरि निजी क्षेत्रले उठाएका अधिकांश विषयहरु समेट्ने प्रयास गरेको छ र सोही अनूरुप बजेटमा प्राथमिकता, उद्देश्य, लक्ष्य र रणनीतिहरु तय गरिनु स्वागत योग्य छ ।

नेपाल उद्योग परिसंघ र अन्तरराष्ट्रिय वित्त निगम (IFC) को संयुक्त प्रयासमा परिसंघका सदस्य उद्योग प्रतिस्ठानहरुमा ऊर्जाको प्रयोग र लागत परिक्षण (Energy Audit) गर्ने कार्य शुरु भएको छ । IFC को प्राविधिक सहयोग र परिसंघको पहलमा अन्तरराष्ट्रिय ऊर्जा विज्ञहरुको एक प्राविधिक टोली बाट उक्त ऊर्जा परिक्षण गर्न लागिएको हो । 

लामो समय देखी राजनीतिक अस्थिरता र समयमा पूर्ण बजेटको अभावमा ‘आर्थिक एजेण्डाहरु’ गौण हुँदा शिथिल बन्दै गएको पृष्ठभुमिमा सरकार, खासगरि अर्थमन्त्रालयले आर्थिक वर्ष २०७०/७१ को नीति तथा कार्यक्रम र वार्षिक आयव्यय विवरण (बजेट) को तयारी गरिरहँदा मुलुकको अर्थतन्त्रमा पुनःरक्तसञ्चार हुने आशा आर्थिक बृद्धिको संवाहक नीजि क्षेत्रका साथै आम जनसमुदायमा जागेको छ ।