Confederation of Nepalese Industries TALKING BUSINESS, TALKING CHANGE

संयुक्त अधिराज्यको प्रतिष्ठित The Financial Times को सह प्रकाशन The Banker ले एशिया प्यासिफिक क्षेत्र तथा विश्व श्रेणीमा उत्कृष्ट अर्थ मन्त्री "Finance Minister of the Year 2016" बाट सम्मानित भई नेपाल र नेपालीको प्रतिष्ठा बढाउन सफल भएको मा पूर्व अर्थमन्त्री माननीय डा. राम शरण महतज्यूलाई नेपालको निजी क्षेत्र तथा नेपाल उद्योग परिसंघका तर्फबाट अध्यक्ष नरेन्द्र कुमार बस्न्यातले बधाई ज्ञापन गरे ।

गत वैशाख महिनामा गएको विनासकारी भूकम्प, चालू आर्थिक वर्षको प्रारम्भ देखिनै तराई मधेश क्षेत्रमा भईरहेको बन्द हड्ताल र असोज महिना देखि भएको अघोषित नाकाबन्दीका कारण मुलुकको उद्योग व्यवसाय लगायत समग्र अर्थतन्त्र विगत तीन दशक यताकै खराव भएको वर्तमान अवस्थालाई गम्भिरतापूर्वक लिई नेपाल सरकारले रु. १ खर्वको पुनरुद्घार कोष खडा गर्ने निर्णयको नेपाल उद्योग परिसंघ हार्दिक स्वागत गर्दछ ।

संकटपूर्ण अवस्थामा पनि संचार माध्यम (Media) को भूमिका महत्वपूर्ण हुने यथार्थतासंगै मिडियाले सूचना तथा घटना परिघटना मात्र नभै विचार र परिवर्तनको संकेत दिन सक्नु पर्दछ ।

नयाँ संविधान निर्माण भएतापनि राज्य वाँडफाड एवं सीमाङ्कनको विषयलाई लिएर विशेषतः तराईमा गत तीन महिना देखि भईरहेको लगातारको बन्द, प्रमुख भन्सार नाकाहरुमा भएको अवरोध र भारतको अघोषित नाकाबन्दीका कारण मुलुकको आर्थिक क्षेत्र तथा उद्योग व्यवसाय विगत तीन दशक यताकै खराव अवस्थामा पुग्न गएको र यसबाट तराई लगायत हिमाल पाहाड एवं काठमाण्डौ उपत्यकाको जनजीवन कष्टकर एवं पिडादायी बन्न पुगेकोले यस जटिल अवस्थाको समाधानका साथै आर्थिक उद्योग व्यवसायलाई वचाउन ठोस कार्ययोजना ल्याउनु पर्ने माग परिसंघका अध्यक्ष नरेन्द्रकुमार बस्न्यातको नेतृत्वमा गएको प्रतिनिधि मण्डलले गरेको छ ।